BETA

வணக்கம்! கடந்த பேப்பரில் ஒரு மாறுதலுக்காக ஒரு “கருத்து}ண்” (காட்டுனுக்கு இதுதான் தமிழாம்) உடன் பயோடேற்றாவும் பிரசுரித்திருந்தோம். அது பற்றி பலரும் தமது கருத்துக்களை எங்களுக்கு தெரிவித்திருக்கிறார்கள். அந்த சிறுபத்தியில் கொஞ்சம் கியூமருடனும், எள்ளலுடனும் நிரம்ப விசயங்கள் கலந்திருந்தாலும் எங்களுக்கு கிடைத்த கருத்தக்கள் ஒன்றுக்கு ஒன்று வேறுபட்டனவாக இருந்தன. கருத்துச்சுதந்திரத்தை மதிக்கும் ஒரு சனநாயகவாதி மட்டும் கொஞ்சம் குழம்பிப்போய் எங்களது பணியக தொலைபேசியை தொல்லைபேசியாக மாற்றியிருந்தார்.

வணக்கம்!

ஒரு பேப்பர் தொடங்கின காலத்திலிருந்தே அதுக்கு ஒரு பரந்த வாசகர்தளம் ஏற்பட்டுட்டுது. இது நாங்களே எதிர்பார்க்காத ஒண்டு. இருந்தாலும் உங்களை நாங்கள் எண்டைக்குமே குறைச்சு மதிப்பிடேல்லை. அதுபோல எங்களோடை இணைஞ்சு செயற்படுகிற ஆக்களின்ரை நேர்மையையும் உழைப்பையும் எப்பவுமே நாங்கள் மதிக்கிறோம். எல்லாரையும் எல்லாநேரமும் திருப்திப்படுத்தி கொண்டிருக்கிறது அல்லது முதுகு சொறிந்து கொண்டிருக்கிறது எங்கடை நோக்கமில்லை. ஒரு சமூகப் பேப்பர் எண்ட வகையிலை சமூகத்திலை நடைபெறுகிற விசயங்களைத்தான் எழுதுகிறோம், பிரசுரிக்கிறோம்.

வணக்கம்!

நூறாவது பேப்பர் பற்றி .. அதுவும் நூறு வரை வந்து விட்டதையிட்டு பலரும் எங்களுக்கு வாழ்த்துகள் தெரிவிச்சினம். மேற்கொண்டு என்ன செய்யோணும் எண்டு சின்ன சின்ன அட்வைசுகளும் தந்தினம். எல்லாருக்கும் நன்றி. முடிந்தவரை உங்கடை அட்வைசுகளை சிரமேற்கொள்ள முயற்சிக்கிறோம்.

நூறாவது பேப்பர் வந்திடுத்து எங்யைடியப்பா உங்கடை ஒரு விழா எண்டு பலர் கேட்டிச்சினம். கொஞ்சம் பொறுங்கோ! நாட்டு நிலமையள் சரியில்லை இப்ப விழாக்கள் வைக்கிறது நல்லாத் தெரியேல்லை இதுதான அவையளுக்கு நாங்கள் சொன்ன பதில். உங்களுக்கும் அதைத்தான் சொல்லிறம்.

வணக்கம்!
இது 96வது பேப்பர். நாங்கள் விளையாட்டு விளையாட்டாய் உங்களை அறுக்க ஆரம்பித்து நாலு வருசம் முடிஞ்சிட்டது.  திரும்பிப்பார்த்தால் மலைப்பாய்த்தான் இருக்கு.

ஆண்டுகணக்கில் பெரிய பத்திரிகைகளில் பணிபுரிந்த அனுபவமோ, ஊடகத்துறை பற்றின படிப்போ எங்களிடமிருக்கவில்லை. ஒரு கொம்பியூட்டரும் பத்திரிகை வடிவமைக்கிற சொப்ற்வெயாரும் இருந்தால் பேப்பர் அடிக்கிறது ஒண்டும் சிரமமில்லை எண்டுதான் தொடங்கினம்.  இவ்வளவுத்துக்கு வந்து நிக்குது.  உங்கட அன்பும் ஆதரவும் தான் எங்களை உற்சாகப்படுத்தியது. (இதை பப்பாவிலை ஏற வைத்தது மாதிரி எண்டு உதாரணம் சொல்லி உங்களை கோபப்படுத்தக்கூடாது.) 

வணக்கம்!

“ஒரு விழா” அதான் உங்கடை திருவிழா பற்றின அறிவித்தலோடை உங்களை சந்திக்கிறம். செப்ரெம்பர் மாதம் நடத்துவம். இன்னமும் வடிவா முடிவெடுக்கேல்லை அதாலை உங்கடை ஐடியாக்களை தொடர்ந்து எங்களுக்கு தெரிவிக்கலாம். முக்கிய குறிப்பு ஒண்டையும் சொல்லோணும் நாங்கள் ஒருதருக்கும் பொன்னாடை போர்க்கிறதாய் இல்லை. ஆனால் நீங்கள் விழாவுக்கு வரும்போது பொன்னாடையை போர்த்திக் கொண்டு வந்தீங்கள் எண்டால் அதை கழட்டச் சொல்லி கேட்க மாட்டம்.

வணக்கம்!

கனடாக்காரர் ஒரு பேப்பருக்கு ஆக்கங்களை அனுப்பிறது குறைஞ்சிட்டுது எண்டு போன பேப்பரிலை எழுதினதாலேயே என்னவோ, இந்தமுறை ரொறன்ரோவிலிருந்தே ஒரு பேப்பர்காரன்கள் காரிகளின்ர ஒப்பாரியை எழுத வேண்டியதாய் போயிட்டு;து (ஏன் அபசகுனமாய் ஒப்பாரி எண்டு தொடங்கிறியள் நினைக்கிறவை அதை பூபாளம் எண்டு அல்லது விரும்பினமாதிரி மாத்தி வாசியுங்கோ). சும்மா சொல்லக்கூடாது சுத்திவர சினோவை பாத்துக் கொண்டு ரிம் ஹோட்டன் கோப்பியை குடிச்சுக் கொண்டு எழுதிறது நல்லாய்தான் இருக்கு.

வணக்கம்!

மூன்று வார கால இடைவெளியில் சந்திக்கிறோம். பெப்பிரவரி 29 வெள்ளியன்று வந்ததால் மாதத்தின் முதல் வெள்ளிக்கிழமை 7ம் திகதியாகி வி;ட்டது. இந்த இடைவெளியை பொறுக்க முடியாமல் என்னடியப்பா இன்னமும் பேப்பரைக் காணேல்லை .. என்ன செய்யிறியள்.. எண்டு கேட்டு போன் அடிச்ச ஆக்களுக்கு நன்றி. இப்பிடியான நாட்களிலைதானே எங்களுக்கு ஊர்லாப் (urlaub) கிடைக்கிறது. (அனுபவிக்க விடுறியள் இல்லை)

ஒரு பேப்பரின்  ஆண்டுவிழாவை எப்பிடிக் கொண்டாடிறது எண்டு சிலர் தங்கடை ஐடியாக்களை எங்களுக்கு அனுப்பியிருக்கினம். அவற்றைபற்றி எங்கடை குழுவோடை கலந்தாலோசித்து என்ன செய்யப்போறம் என்பதை சீக்கிரம் அறிவிக்கிறம். அதுக்கிடையிலை மற்றாக்களும் உங்கட அபிப்பிராயங்களை எழுதி அனுப்புங்கோ.

வணக்கம்!

நேற்று காதலர் தினம்,  ஒரு பேப்பர் தயாரிப்பு பிசியில் அதை மறந்தே போனோம் வழமையாக வரும் தபாற்காரரும் கடந்த இரண்டு நாட்களாய் எங்கள் அலுவலகப்பக்கம் எட்டிப்பார்க்கவில்லை. கூரியரிலும் எதுவும் வரவில்லை என்ற எங்கட வயிற்றெரிச்சலைக் கொட்டாமல் மேலே தொடர்கிறோம்.

பிரான்சில் ஒரு பேப்பர் விநியோகம் ஒரளவு சீராகி விட்டது. ஜேர்மனியில்தான் இன்னமும் சரிவரவில்லை, தொடர்ந்து முயற்சிக்கிறோம். மற்றய ஐரோப்பிய நாடுகளில் ஒரு பேப்பரை விநியோகிக்க் அல்லது சந்தாதாரராக சேர்ந்து கொள்ள நீங்கள் விரும்பினால எங்களது லண்டன் பணிமனையில் பாலாண்ணையுடன் தொடர்பு கொள்ளுங்கள்.

வணக்கம்!

ஒரு புறம் குளிர் வாட்டினாலும், பேப்பரை நேரத்துக்கு உங்களிடம் கொண்டு போய் சேர்க்கவேண்டும் என்ற நோக்கத்தில் விசைப்பலகையை தொடும் போது பேப்பரை படித்து விமர்சிக்கப்போகின்ற அல்லது மகிழ்வடையப்போகின்ற உங்கள் முகங்களே தெரிவதால் வேறெதுதும் தெரிவதில்லை.

அண்மைகாலமாக ஒரு பேப்பர் பற்றிய விமர்சனங்கள் அதிகரித்துள்ளமை தெரியுது. இப்பத்தான் நாங்கள் பரந்த வாசகர் பரப்பை அடைந்திருக்கிறம் என்பது மகிழ்ச்சி தரும் விடயமே. ஒரே ஒரு கவலை, அந்த விமர்சனங்களை எங்களுக்கு அனுப்பினால் அதனை நாங்கள் பிரசுரித்து மற்றவர்களையும் வாசிக்க வைக்கலாம்.

வணக்கம்!

பொங்கல் இண்டைக்கோ அல்லது நாளைக்கோ எண்ட குழம்பமிருந்தாலும் பொங்கி மகிழந்திருப்பீர்கள். எங்களுக்கும் மறவால் பொங்கல், பலகாரங்களை கொண்டு வந்து தந்து அசத்தி விட்டீர்கள். நெஞ்சார்ந்த நன்றி.

ஐரோப்பாவில் பேப்பர் விநியோகத்தில் ஏற்பட்ட சில சிரமங்கள் காரணமாக போனமுறை பேப்பர் எல்லா இடமும் அனுப்பேலாமல் போயிடுத்து. இப்போது ஐரோப்பாவில் ஒரு பேப்பர் விற்பனைக்கு விடப்பட்டுள்ளதால், பேப்பரை விற்பதற்கும் விநியோகிப்பதற்கும் விரும்புவர்கள் லண்டனிலுள்ள எங்கள் தலைமை பணியகத்துடன் தொடர்பு கொள்ளுங்கள். அதுபோல் வடஅமெரிக்காவில் சந்தாதாரகி ஒரு பேப்பரை அஞ்சலில் பெற்றுக் கொள்ள விரும்புவோர் ரொறான்ரோவிலுள்ள எமது பணியகத்துடன் தொடர்பு கொள்ளுங்கள்.

வணக்கம்!

உங்கள் அனைவருக்கும் ஒரு பேப்பர் குடும்பத்தின் புத்தாண்டு வாழ்த்துக்கள். ஆண்டு தொடக்கத்தில் எல்லோரும் எடுக்கிறமாதிரி சில தீர்மானங்கள் எடுத்திருக்கிறம். அதிலை முக்கியமான ஒண்டு உங்களில் சிலருக்கு எரிச்சலை மூட்டிய “ஒசியாய் வாசிக்க ஒரு பேப்பர்” என்ற வாசகம் “ஈசியாய் வாசிக்க ஒரு பேப்பர்” என மாற்றப்பட்டுள்ளது. இதிலை இன்னொரு விசயமும்  இருக்கிறது. இனி பிரித்தானியா தவிர்ந்த மற்றய ஐரோப்பிய நாடுகளில் ஒரு பேப்பர் விற்பனைக்கு விடப்படவுள்ளது. தற்போதைக்கு கனடாவிலும், பிரித்தானியாவிலும் மட்டும் ஓசியாய் கிடைக்கும்.

என்னடா மடியிலை கை வைக்கிறியள் என்று நீங்கள் ஆதங்கப்படலாம். ஒரு பேப்பரின் தயாரிப்பு செலவீனங்களை சமாளிப்பதற்காகவே இந்த நடவடிக்கையை மேற்கொள்கிறோம். ஒசியை எடுத்ததில் எங்களுக்கு கவலைதான் என்ன செய்ய ..

வணக்கம்!

இந்த ஆண்டின் இறுதிப் பேப்பரில் உங்களைச் சந்திக்கிறோம். சினோ சுரண்டி கைகள் வலித்தாலும் உங்களுடன் எங்கள் இன்பத்தையும் துன்பத்தையும் பகிர்ந்து கொள்ள விசைப்பலகையில் தட்டும்போது வலியெல்லாம் பறந்து போகிறது. ஏற்கனவே ஊர் முழுக்க ஐஸ் இதுக்கிள்ளை நீங்கள் வேறை ஐஸ் வைக்கோணுமோ என்று நீங்கள் நினைக்கலாம் ஆனால் சொன்னது எனனவோ உண்மைதான்.

வணக்கம்!

தாயகவிடுதலைக்காய் விதையாகிப்போன வீரர்களை நினைந்து எழுச்சி கொள்ளும் வாரத்தில் உங்களைச் சந்திக்கிறோம்.

கடந்த பேப்பரை அச்சுக்கூடத்திலிருந்து எடுத்து வந்தபோதுதான் பிரிகேடியர் தமிழ்ச்செல்வன் உட்பட ஆறு மாவீரர்களின் வீரச்சாவு பற்றிய செய்தி எங்களுக்கு கிடைத்தது. அதனால் அதே தினம் (நொவெம்பர் 2) வெளிவந்த ஒருபேப்பரில் இவ்விடயம் தொடர்பாக எதுவும் பிரசுரிக்கவில்லை.

வணக்கம்!

ம்..ம் ம் …(தலையைச் சொறியிறம்). மன்னிக்கோணும் இந்த முறையும் பேப்பர் விட லேட்டாப்போயிட்டுது. இங்க லண்டனிலை நடந்த றோயல் மெயில் வேலை நிறுத்தத்தாலை எங்களுக்கு தபாலிலை வரவேண்டியவை வரச்சுணங்கியமையால் எங்களால் உரிய நேரத்திலை ஒரு பேப்பரை வெளியிட முடியவில்லை. இது சுணங்கி பள்ளிக்கூடத்திற்கு போயிட்டு தலைமை வாத்தியாருக்கு சாட்டு சொன்ன மாதிரியில்லை. சொன்னது மெய்தான். இதனால் இம்மாதம் ஒரு பேப்பர் ஒன்றுதான் வெளியிடப்படுகிறது. அடுத்த பேப்பரிலிருந்து வழமைபோல் மாதத்தின் முதலாவது, மூன்றாவது வெள்ளிக்கிழமைகளில் ஒரு பேப்பர் வெளிவரும்.

ஒரு பேப்பரைக் காணேல்லை, ஆக்களை கூட்டமாய் ஆரும் அள்ளிக் கொண்டு போயிட்டாங்களோ என்று பதைபதைப்புடன் எங்களுக்கு போன் அடித்துச் சுகம் விசாரித்த அனைத்து உள்ளங்களுக்கும் நன்றி.

வணக்கம்!

என்னதான் இருந்தாலும் உங்களை நேரில் சந்திக்கிறது மாதிரி வராது. நேருக்கு நேர் இன்ரறக்ரிவ் ஆக உங்களது பூராயங்களை கேட்பது எங்களுக்கு மகிழ்ச்சியை தருகிறது. போன ஞாயிற்றுக்கிழமை பரிஸ் லாசப்பலில் தெருவோரத்தில் வைத்திருந்த ஒருபேப்பர் பதாகைக்கு அருகில் எங்களை சந்தித்து உங்கள் கருத்துக்களைத் தெரிவித்த அனைவருக்கும் நெஞ்சார்ந்த நன்றி. லைலாவைத்தான் காணேல்லை. ஆக்களுக்கு முகங்கொடுக்க பயந்திட்டாவோ அல்லது உருமாற்றியபடி வந்தாவோ தெரியேல்லை. நீங்கள் ஒரு பேப்பரில் வைத்திருக்கும் அபிமானம் எங்களை யோசிக்க வைக்கிறது. (எப்பிடி உங்கட எதிர்பார்ப்புகளை நிறைவேற்றிறது எண்டுதான்)